اتعامل مع حياتك زى بطل الملاكمه محمد على كلاى

Admin عدد المساهمات : 36 تاريخ التسجيل : 04/03/2011

طبعا حياتنا تستاهل كتير جدا والكتير ده لازم نسعى ونحاول علشان نوصله وطبعا لايمكن توصله الا اذا وثقت فى نفسك
طبعا انا حبيت اننا نتكلم عن حاجه الكل بيحبها وهى الملاكمه وكلنا عارفين البطل العالمى محمد على كلاى الاسطوره فى مجال الملاكمه ومعظمنا عارف ازاى كان بيتعامل مع الملاكمه لان معظمنا اكيد يعرف السى فى بتاعته وده طبعا مثله الشائع وهو
"ارقص كالفراشة السع كالنحلة"

محمد على كلاى

الدنيا عمرها ماكانت ولا هاتكون فى يوم من الايام سهلة والا كان
كل واحد وصل لحلمه بكل سهولة كل مكان تحطمت على اعتابه امال
وطموحات العديد من الناس
يعنى لو انت رايح تقدم فى مجمع التحرير بتاع بلدكم ايا كانت بلدك
اكيد فيها مجمع تحرير يعنى ماتدقش

هاتلاقى ان على عتبة يعنى على الدرج او السلالم بتاعت المجمع
دا اتحطمت احلام ناس كتير واترفضت ناس كتير قبلك

طيب نروح للاسطورة محمد على كلاى ازاى كان بيتعامل مع الملاكمة
"ارقص كالفراشة السع كالنحلة"
" ارقص بخفة ورشاقة وتحرك بسرعة فلا يمكن لاحد ان يضرب شيئا لا يراه"
يعنى ايه؟

محمد كلاى كان دايما قبل كل ماتش بيهز ثقة الخصم اللى قدامه من
كلامه ليه مع انه كان راجل متواضع جدا مع الناس
انما لو شفته قبل اى ماتش هاتلاقى شخص معجب جدا بنفسه علشان يهز ثقة خصمه
محمد على مهما كان خصمه قوى بحركته وبرشاقته وكل مايتلقى ضربة يقوم بعدها اقوى

ولو شفت الماتش اللى هزم فيه جورج فرمان 1974 واستعاد لقب بطل العالم

بعد ان سحب منه 1967 لرفض الاشتراك فى الخدمة العسكرية فى امريكا لمعارضته حرب قيتنام
سوف ترى بالرغم من ان جورج فورمان قوى ويسدد لكمات عنيفة لكلاى الا انه كان يريد شيء واحد وهو الانتصار كان يتحرك بخفة ورشاقة

يمعنى اصح انا باحكيلكم القصة دى علشان عاوزك انت كمان تزاول الحياة وتزاول الحياة يعنى تخيلها يعنى تربكها

كل ماتضربك ضربة قوم منها بسرعة ورحلها من مكان تانى وسدد ضربة اقوى
اترفضت فى شغلة قوم بسرعة وروح مكان تانى وفتح عنيك للفرص من ضمن قوانين الفشل فى قانون بيقولك
"الفشل ممكن يجبلك نجاح اذا قمت بعده"
يعنى لو انت بتلعب ملاكمة مع حد وانتوا الاتنين وقعتوا على الارض الفوز بيبقى من نصيب اللى بيقوم قبل العد

وارقص كالفراشة والدغ كالنحلة
هاتفكر فى الفشل هاتلاقى منه كتير وكتير جدا اللى بيستسلم وبيرجع من اول ضربة ويقولك لا ياعم دا ماتش جامد انا ممكن اتعور وشكلى ممكن يتبهدل ومش هاعرف تصور تانى
قولى كدا بيس يا معلم بالسلامة طير انت
اما انا فمكمل للنجاح لانه بقى خطوتين انا قمت بالصعب واخدت اقوى اللكمات فا اللى جاى مش هايكون اصعب من كدا

محمد على كلاى بيقول :

"الأبطال لايصنعون في صالات التدريب الأبطال يصنعون من اشياء عميقه بداخلهم هي الاراده والحلموالرؤيه"
اديسون قالك " عجبت لذلك الشخص الذى يتوقف عن المحاولة ولا يدرك كم هو قريب من النجاح"
خلى بالك الحياة محتاجة اللى يربكها بضرباته مش اللى يهرب من جولاته وساعتها ربنا هايكلل سعيك بالنجاح اكيد ان شاء الله

وخلى عندك دايما نظرة الاستعداد لمعارك الحياة وجولاتها ومباراياتها بالشكل اللى فى صورة محمد كلاى دا

وطبعا بعد الكلام ده اكيد كلنا هيبقى عندنا الدافعه اننا نبقى زى البطل محمد على كلاى وهنتعامل مع الحياه بنفس الطريقه الى اتعامل فيها هو مع الملاكمه

اتمنى ان ينال الموضوع اعجابكم